Oleh. Aleks Giyai
Mimik senyum seperti bara
Bikin hati hangus tabakar
Dan ko pu cinta kaya arang
Pergi lalu ko tinggalkan abu
Ko dopis tong pu hati
Sampe trada sisa-sisa sayang
Jantong henti dara menggering
Cuma asap-asap rindu
Kepung tong pu jiwa ini
Kalo tong tau dari dulu
Tra mungkin hati bilang cinta ko
Jika terakhir mo hilang trada kabar
Kaya ikan kena bom tenggelam di lautan
Biar kitong simpang tong pu cinta
Dalam lemari hati masing-masing
Saat ko merindu dan sa rindukan
Bukalah buku kenangan di lemari
Sebagai pengingat kitong dua pu cinta.
Kafe Yoka, 03/06/17
Pos. Admind
Tidak ada komentar:
Posting Komentar